ကဆုန်လပြည့်နေ့ဆိုတာဘုရားဖြစ်လိမ့်မယ်လို့ သေချာသွားတဲ့နေ့ ၊ဘုရားအလောင်းတော် ဖွားမြင်တဲ့နေ့ ၊ ဘုရားဖြစ်တော်မူတဲ့နေ့ ၊ ဘုရားရှင် ပရိနိဗ္ဗာန် စံဝင်တော်မူတဲ့ နေ့ ရယ်လို့ ထူးခြားချက် ၄-ရပ်နဲ့ ပြည့်စုံနေပါတယ်။
အခုရောက်ရှိနေတဲ့ကဆုန်လပြည့်နေ့မှာဆိုရင်တော့ တနင်္လာဆိုတဲ့ လမင်းကြီးဟာ နေ့ပိုင်း၂ နာရီ ၄၅ မိနစ်ဝန်းကျင်လောက်အထိ တူရာသီရှိ အင်္ဂါပိုင်စိတြနက္ခတ်နယ်ပယ်ကို ဖြတ်သန်း နေတာဖြစ်ပြီး အင်္ဂါဂြိုလ်ကိုယ်တိုင်ကလည်း ကုမ်ရာသီမှာ သူပိုင် ဓနသိဒ္ဓ နက္ခတ်ကိုဖြတ်သန်းနေပါတယ်။အဲဒါကြောင့် မနက်ခင်းပိုင်းကနေနေ့လည် ၂ နာရီကျော်တဲ့ အထိကာလတွေမှာ ထက်မြက်တက်ကြွတဲ့စိတ်တွေဖြစ်နေမယ်။ကုသိုလ်စိတ်ဖြစ်ဖို့ နဲနဲခဲယဉ်းနေတတ်ပြီး ဆန့်ကျင်ဖက်စိတ်၊ဒေါသစိတ်တွေ ၊ သောကစိတ်တွေများနေတတ်ပါတယ်။ နေ့လည် ၂ နာရီ ၄၅ -မိနစ်ကျော် နောက်ပိုင်းကျပြန်တော့လည်း ရာဟုပိုင် သွားတိနက္ခတ် ရဲ့ နယ်ပယ်ထဲကို ဖြတ်သန်းမှာဖြစ်ပြီး ရာဟု က မေထုန်ရာသီရှိ သူပိုင် အဒြနက္ခတ်ရဲ့နယ်ပယ်ကိုဖြတ်သန်းနေတာဖြစ်ပါတယ်။အဲဒါကြောင့် စိတ်လေသလိုခံစားရမယ်အတွေးတွေ၊စိတ်ကူးယဉ်မှုတွေများနေမယ်။မထင်မှတ်ပဲ လုပ်ဆောင်မှုတွေ မြန်မြန်ဆန်ဆန်ပြီးမယ်။
ဂြိုလ်နက္ခတ်တွေက အဲလိုသဘောတရားလေးတွေဖြစ်နေတာရယ်၊ကိုဗစ် ကပ်ရောဂါ ကာလဖြစ်နေတာရယ်ကြောင့် ကုသိုလ်စိတ်လေးတွေ မရမနေမွေးပြီး စိတ်ကိုပြင်နိုင်မှ ကောင်းမှာဖြစ်ပါတယ်။
ဗုဒ္ဓဘုရားရှင်အမှီပြုခဲ့တဲ့ ဗောဓိပင်အား ရေသွန်းလောင်းခြင်းဆိုတဲ့ ကုသိုလ်ကောင်းမှုတွေကို နှစ်စဉ် ပြုလုပ်ကြတာဖြစ်သော်လည်းဒီနှစ်မှာတော့ ကိုဗစ် ကပ်ရောဂါနဲ့ ကြုံနေတာမို့ အရင်နှစ်တွေကလို စည်ကားသိုက်မြိုက်စွာ လုပ်ခွင့်မသာပေမယ့် ကိုယ့်အစီအစဉ်နဲ့ကိုယ်ပဲ တသီးတခြားလေးတွေ လုပ်ဆောင်ရင်း ကုသိုလ်ယူကြပါလို့ တိုက်တွန်းလိုက်ပါတယ်။
